basic

Ողջույն, ես Աստղն եմ

Ծնող դառնալը կյանքի ամենաբեկումնային, ամենագեղեցիկ,
ամենակախարդական ու միաժամանակ նաև բարդ շրջաններից է։ Երեխայի ծնվելուց հետո փոխվում են առաջնահերթությունները, առօրյան, դուք հարմարվում եք երեխային, երեխան էլ՝ ձեզ։

Բոլոր հրաշալի պահերի կողքին ծնողների համար դժվար են դառնում անքուն գիշերները, որոնց պատճառները հաճախ ոչ թե երեխայի բնականոն զարգացումն է, այլև ռեժիմը, առօրյան, քնի պայմանները և այլն։ Քնի խորհրդատուն օգնում է ծնողներին կողքից գնահատել փոքրիկի քունը և գտնել այն գործոնները, որոնց վրա աշխատելով կարող ենք ապահովել
առավելագույն խաղաղ ու հանգիստ գիշերներ փոքրիկի ու ծնողների համար։

Ես Աստղն եմ՝ երկու փոթորիկների մամա, և հրաշալի հասկանում եմ ձեզ։ Հենց դա ստիպեց տարիներ առաջ խորքային ուսումնասիրել երեխաների քունը՝ դառնալով Հայաստանի առաջին որակավորված քնի խորհրդատուն (Family Sleep Institute USA)։ 

2018 թվականից օգնում եմ ծնողներին կարգավորել երեխաների քունը և վայելել իրենց ծնող լինելը։ Որպես հավաստագրված քնի խորհրդատու, ինձ համար առաջնայինը երեխայի և ծնողների միջև առողջ կապվածությունն ու վստահելի հարաբերություններն են, որոնց հիման վրա էլ կազմվում են
անհատական ծրագրեր, մշակվում դասընթացներ, անցկացվում է խորհրդատվություն, և գիտելիքներով զինված ծնողները կարողանում են ինքնուրույն լուծել ժամանակ առ ժամանակ ի հայտ եկող խնդիրները։

Ես հավատում եմ, որ ծնող դառնալը չի նշանակում լինել անքուն, նյարդային և հոգնած։ Հավատում եմ, որ գոյություն ունի բալանս, որն օգնում է վայելել երեխային ու միաժամանակ շարունակել լինել առույգ, ունենալ սեփական հոբիների և սիրելիների համար ժամանակ։ Եվ ես այստեղ եմ, որ օգնեմ միասին անցնել այդ զարմահրաշ ճանապարհը։

basic landing
basic landing
basic landingbasic landing oval

Հավաստագրված ոլորտի լավագույն հասատատություններիցմեկի կողմից

Family Sleep Institute USA հիմնադրվել է 2011 թվ.՝ դառնալով քնի խորհրդատուներ վերապատրաստող առաջին կառույցներից մեկն աշխարհում։ Որոշ ժամանակ անց FSI մասնաճյուղեր բացվեցին նաև Իսպանիայում և Ռուսաստանում։ FSI առանձնանում է նրանով, որ խորհրդատուներին առաջարկում է ժամանակակից հետազոտությունների, ապացուցահեն, պրակտիկ ու էմպիրիկ փորձի վրա հիմնված ավելի քան 250 ժամանոց ուսումնական ծրագիր։

Աստղը մասնակցել է Ինստիտուտի տարբեր ծրագրերի, այդ թվում՝ բժիշկ Մարկ Վայսբլուտի հետ համատեղ միջմշակութային հետազոտությանը։

Տեսնել ավելին

Նոր իրականություն

Երեխայի ծնունդը նոր իրականություն է բացում ծնողների առջև... Եվ այդքան բազմազան աղբյուրների մեջ երբեմն դժվարանում է լսել, գտնել սեփական ձայնը, հետևողական լինել։ Իսկ կյանքի առաջին շրջանը հենց միմյանց հետ ծանոթանալու, աշխարհին՝ իր նոր իրականությամբ հարմարվելու շրջանն է։ Մեր քնի լաբորատորիան ձեր յուրահատկությունների և ընդունված նորմաների խառնուրդն է առաջարկելու՝ սովորեցնելով ձեզ ինքնուրույն խառնել բաղադրիչները և ստանալ ձեր ընտանիքին հարմար լուծումներ։

basic landing 2basic landing oval
basic landing 3basic landing oval 4

Անհատական մոտեցում յուրաքանչյուր ծնողին...

....երեխայի ծննդյան առաջին օրերից մինչև նախադպրոցական տարիք։